Конференцияға қатысу үшін 2024 жылдың 20 тамызына дейін тіркелу өтінішін жіберу қажет:
https://60years.amu.kz/registration.php
Барлық тіркелген қатысушыларға Конференцияның бағдарламасы, бейнеконференциялар мен пленарлық отырыстар мен панельдік сессиялардың онлайн трансляцияларының сілтемелері жіберіледі. Тіркелген қатысушылар үшін қолжетімді болады:
- Пленарлық отырыстар мен панельдік сессияларға, коммерциализация реакторы, жобалар көрмесіне, хакатонға тегін қатысу;
- Сағат санын көрсететін қатысушы сертификаттарын алу;
- Конференцияның сандық бағдарламасын алу;
- Конференцияның нәтижелері бойынша дайындалған Резолюцияны алу.
БІЗБЕН ҚАЛАЙ БАЙЛАНЫСУҒА БОЛАДЫ
Конференцияның ұйымдастырылуы және жұмысқа қатысу туралы барлық сұрақтар бойынша байланысу телефоны:
+7 747 389 4166
ДОКЛАДТАР, ТЕЗИСТЕР ЖӘНЕ МАҚАЛАЛАРДЫ ҚАБЫЛДАУ
Ұйымдастыру комитеті академиялық көшбасшылардан, ғалымдардан және денсаулық сақтау саласындағы сарапшылардан ауызша және постерлік докладтарды
nauka@amu.kz электрондық поштаға қабылдайды. Өтініштерді қабылдаудың соңғы мерзімі – 2024 жылдың 20 тамызы.
Постерлік докладтар Қосымша 1 талаптарына сәйкес рәсімделуі тиіс.
Конференцияның нәтижелері бойынша «Астана медициналық журналы» ғылыми-практикалық журналының арнайы шығарылымы жарияланады. Мақалалар мен (немесе) тезистер Қосымша 2 талаптарына сәйкес рәсімделіп, 2024 жылдың 20 тамызына дейін
crnid@amu.kz электрондық поштаға жіберілуі тиіс.
ПОСТЕРЛІК ДОКЛАДТАРДЫ РӘСІМДЕУ ТАЛАПТАРЫ
1. Постерлік докладтың құрылымы;
- Постерлік докладтың атауы (ҮЛКЕН ӘРІПТЕРМЕН, ЖІРНІ ШРИФТАРМЕН).
- Автор туралы ақпарат (авторлар), автордың инициалы мен тегі, жұмыс орны (ЖОО немесе ұйым), қала, ел.
- Актуалдық (кіріспе). Кіріспеде мәселелердің актуалдылығы мен зерттеу негіздемесі, мақсаттары мен міндеттері қысқаша әрі нақты баяндалуы тиіс.
- Зерттеу материалдары мен әдістері. Бұл бөлімде зерттеу дизайны мен оның қалай жүргізілгені сипатталуы тиіс.
- Нәтижелер. Бұл бөлімде зерттеу барысында алынған негізгі нәтижелер логикалық реттілікпен мәтінде ұсынылуы тиіс.
- Қорытындылар (қорытынды). «Қорытындылар» бөлімінде зерттеу нәтижелері жинақталуы, зерттеу барысында қойылған гипотеза немесе мақсатты қарастыруы тиіс.
2. Постердің рәсімделу тілі қазақ, ағылшын немесе орыс тілінде болуы тиіс.
3. Файл бірінші автордың тегімен аталу керек.
4. Постерді MS PowerPoint бағдарламасында бір слайд түрінде ұсыну қажет (альбомдық бағдар).
ТЕЗИСТЕРДІ РӘСІМДЕУ ТАЛАПТАРЫ
Тезистер Word бағдарламасында Arial 12 шрифтін қолданып, 1 интервалмен, А4 форматында 1 беттен аспайтын көлемде 2 см шеттермен рәсімделуі тиіс.
Тезистерді рәсімдеу:
Атауы бас әріптермен және қысқартуларсыз жазылуы тиіс. Паспорттық бөлігінде авторлардың аты-жөні (ағылшынша аты мен тегі), сондай-ақ барлық авторлардың/сұхбаттаушылардың лауазымы, жұмыс орны, қала, ел, электрондық адресі көрсетілуі тиіс.
Негізгі мәтін қызыл жолақтан басталуы тиіс.
Тезис ақпараттық сипаттағы хабарлама болуы керек, онда кіріспе (актуалдылық), зерттеу мақсаты, материалдар мен әдістердің нақты сипаттамасы, алынған нәтижелердің қысқаша сипаттамасы, қорытындылар, кілт сөздер (6-дан көп емес) болуы тиіс.
Кіріспе бір абзац көлемінде рәсімделіп, зерттеу проблемасының актуалдылығы ерекшеленуі тиіс. Кіріспенің соңында зерттеу мақсаты рәсімделуі тиіс.
«Материалдар мен әдістер» бөлімі зерттеу дизайнын; жұмыста пайдаланылған қатысушыларды немесе материал түрлерін; жүргізілген іс-шаралардың сипаттамасы мен статистикалық талдау түрін қамтуы тиіс.
«Нәтижелер» бөлімінде алынған деректер қысқаша баяндалып, интерпретациясы ұсынылуы тиіс. Нәтижелер мәтін түрінде логикалық реттілікпен көрсетілуі тиіс.
Қорытындылар зерттеу мақсаттарына байланысты болуы және бір абзац түрінде рәсімделуі тиіс. Қорытындылар білікті мәлімдемелер мен авторлар тарапынан расталған деректерді қамтуы тиіс.
Кілт сөздерді таңдауда авторлар медициналық тақырыптық рубрикаларды (Medical Subject Headings) Index Medicus пайдалану керек.
Тезистерде қысқартылған сөздер, кестелер, графиктер және басқа иллюстрациялар болмауы тиіс.
Әр тезис жеке файлда рәсімделуі тиіс.
Тезистердің мәтіні мұқият өңделуі тиіс.
Мазмұнның дұрыстығына авторлар жауап береді.
Редакция ғылыми деректердің құндылығын төмендетпейтін өзгерістерді мәтінге енгізу құқығын өзінде қалдырады.
МАҚАЛАЛАРДЫ РӘСІМДЕУ ТАЛАПТАРЫ
Мақалаларға қойылатын талаптар журналдың веб-сайтындағы «Авторларға арналған нұсқаулық» бөлімінде толық сипатталған:
https://medical-journal.kz/index.php/mua/Instructions-for-the-design-of-the-article
